Noorsaarep üüb Oomram

Jam mei hal troch dünem, tanen an fialen luup, an uk hal ans de eftermade uun en letj struatencafé sat? Jam maad hal gau hen tu a strun kem an likis at rau faan di briad kniipsun geneet? Do san jam uun Noorsaarep rocht! Hir as ales nai bi an uk ales diar, wat en nuurdsia-bat haa skal.
A ütjwool, huar dü wene könst, as grat. Uun a maden faan’t saarep as a strunwai, huar nian autos keer mut, mä cafés, restaurant an loodens. Uun’t “Seeheim” jaft at en kiino an en rüm för fersaamlangen, diartu noch hög loodens. Ham kön uun Noorsaarep minigolf spele, an a jongen uun’t “Abenteuerland” ambitoobe.
Uun’t waasten faan Noorsaarep san a dünem an a eeben sia. Tu’t uasten ling a fialen an gäärsmiaden bit deel tu a waas. Am a süüd woort at saarep faan tanen an hias amslööden.
Gans wat aparts as Ood. Troch a Noorsaareper miad of auer a tjaardik komt ham tu’t “Naturschutzgebiet Amrum Odde”. Ham amwaanert Ood bi dünemkaant an koon tu Sal an tu Fer luke. Uun a dünem bräät düüsenen faan fögler. Faan Ood ütj gongt a wai troch a waas auer tu Fer an hir as uk at steed, huar feerangen troch a natüür began.

 

Bi a baadestrun jaft at en hünjstrun an uk en FKK-berik. Ham koon en strunkurew hüür, surfin gung, mä en kat siil of uk at “Naturzentrum Multimar” besjük. Uun en faan a tau restaurants bi strun koon’am do di dai rauelk tu aanj gung läät.

 

 

Kwatiare op Amrum
wiartshüsang
strunkurwer

Boyens, Tel. 04682/545

Jannen, Tel. 04682/2947

Martinen, Tel. 0171-9627679

welen

Norddorfer Fahrradverleih, Lunstruat 9, Tel. 0151-20140605

Amrumer-Fahrradcenter, Lunstruat 3, Tel. 04682-96271

»Gerädert«, Nei Stich 7, Tel. 04682-554

Det as Noorsaarep
– Minigolf, „Seeheim“ mä kiino, strun, indoor-spelplaats „Abenteuerland“, Ood, „Naturzentrum Maritur“

Karte

Pin It on Pinterest

Jetzt teilen

Sie lieben Amrum so sehr wie wir? Dann sagen Sie es gerne weiter :)